Sariak, hain zuzen ere, koreografoaren lana testuinguru desberdinetan nola txertatzen den modu original batez kontatzen duten argazkientzat, ikuspegi berriak harrapatzen dituztenentzat eta, era horretan, gure ekosistemaren errealitatea errealitate berri baten modura ikustea ahalbidetzen dutenentzat izango dira. Eguneroko egoerak, alaiak, dramatikoak, komikoak eta hiri-eremuaren testuinguruan dantzaren emankizunarekin loturiko edozein gai islatzen dutenentzat. Obren emankizunetan gozamenez hautematen ditugun argi-itzalak harrapatzen asmatzen dutenentzat.

Argazkiak bidaltzeko epea 2014ko irailaren 11an hasiko da 10:00etan, eta 2014ko urriaren 6an amaituko da 00:00etan.

Lehiaketa hau argazkigintzaren zale diren guztientzat zabalik dago >

LEHIAKETAREN OINARRIAK (PDF)

IZENA EMATEA

IRUN  > Irailak 12. Ostirala > 17:30. Ensanche Plaza

Informazio gehiago > Lehiaketaren oinarriak (pdf) | Izen-ematea

Epaileak: Bgirl Jess, Bboy Chino, Bboy Toni Le Guilly. Speaker Invert / Dj Put One

* JORDI VILASECAren (Bartzelona) “Azala 2” lana aurkeztuko da. Jordi Vilaseca koreografoaren “Azala” lan berriarekin batera egindako sorkuntza-lan, bertako bi dantzariren eskutik: Aritz López eta Akira Yoshira.  (ATERPEAN Programa)

L’objectif de cette initiative vise à encourager le développement de ce mode d’expression artistique, à contribuer à sa professionnalisation et à toucher de nouveaux publics.

]]> http://www.dantzahirian.com/ii-battle-break-dance/feed/ 0 http://www.dantzahirian.com/dantza-hirian-9-edizioa/ http://www.dantzahirian.com/dantza-hirian-9-edizioa/#comments Fri, 29 Aug 2014 15:07:56 +0000 http://www.dantzahirian.com/es/?p=5675 Irailak 11 – 28. Dantza Hirian jaialdia Eurohirian bizi da eta plazak, parkeak eta kaleak gaur egungo dantzaren eszenatoki bilakatzen ditu. Arkitekturaren, dantzaren eta ikuslearen artean une paregabe eta ahaztezina sortzen da. Herritarrek parte hartzeko esperientzia hurbila dute, denontzat eskuragarria, dantza-abentura ibiltari baten inguruan antolatua. Gaur egungo nazioarteko dantzaren alorrean ospe handia duten konpainia eta koreografo profesionalen proposamenak eskaintzen dizkio Dantza Hirian ekimenak Eurohiriari. Bai ATERPEAN eta bai IBILI ere, Akitaniako eta Euskadiko konpainiei sormen-lanak egiten eta jendeari ezagutarazten laguntzen dieten programak dira, eta aurtengo edizioan beste jarduera paralelo batzuekin osatuko dira. Nabarmentzekoa da “¿Me regalas un movimiento? (Emango didazu mugimendu bat?)” proiektua, Eurohiriko biztanleek emandako mugimenduen bidez egindako bideo-instalazio bat.

Dantza Hirian jaialdiak hirugarren urtez jarraian bat egin du Europako Lankidetzaren Eguneko ospakizunekin eta Donostia 2016 Kulturaren Europako Hiriburua ere proiektu horri batu zaio. Ongi-etorria eman nahi diegu Hondarribia eta Bidarti, dantzarako bi paisaia berriei.

Beste alde batetik, aurten, Dantza Hirian jaialdiak, Espainiako estatuko beste hamar jaialdirekin batera, Acieloabierto Sarea bultzatu du (Ez-ohiko eremuetan egiten diren Gaur Egungo Dantza Jaialdien Sarea); sare horrek lankidetza, mugikortasun eta truke arloko proiektuak sustatzen ditu. Sarean egindako lan horren lehen ekintza Acieloabierto Zirkuitua sortzea izan da, eta horrela, aurkeztu diren berrehun proposamenen artetik, bost proposamen hautatu dira Sarearen hamar jaialdietan barrena ibiltzeko.

Halaber, NEXOS izeneko jaialdiaren luzapen bat ere abian jarri dugu. Proiektu honen ideia nagusia, hain zuzen ere, eremu publikoetan egindako dantzaren bitartez beste hiri / muga-inguruko espazio batzuekin elkarlanean aritzeko loturak sortzea da, gizarte-kohesiorako tresna gisa. Ekainean egindako lehen edizio honetan Barbate (Cadiz) izan da topalekua, Europaren hegoaldeko muga. Bi itsasori eta bi kontinenteri irekia: Europa eta Afrika

Europako kultura-panoraman entzute handikoa izateaz gain, dantza-jaialdi huts bat baino gehiago da Dantza Hirian. Gaur Egungo Dantzarentzako plataforma bat da, IREKI izeneko plan estrategiko baten bitartez sendotzen ari dena. Plan horrek Europaren laguntza jaso du POCTEFAren bitartez; mugaz gaindiko lurraldearen zerbitzura dagoen eta Pirinioetako Lan Komunitateak kudeatu duen programa bat da.

Joan den maiatzean, Dantza Hirian, Baiona-Donostia Eurohirian garatzen den mugaz gaindiko jaialdi ibiltariak, ATERPEAN artista egoiliarrentzako programaren zazpigarren edizioaren deialdiari ekin zion, hiri-espazioetan gaur egungo dantza sortu, ikertu eta ezagutzera emateko eta sorkuntza-prozesuak publiko mota desberdinengana hurbildu daitezela errazteko helburuarekin.

Aurkeztutako hamabost proiektuetatik ondorengo hauek hautatu zituzten; LASALA konpainia (Donostia) eta JORDI VILASECA koreografoa (Bartzelona).

Proiektuen aukeraketan arreta berezia eskaini zitzaien Akitaniatik eta Euskaditik etorritako proposamenei, euskal kulturarekin, bertako historiarekin eta hizkuntzarekin… elkarrizketa koreografiko bat finkatzen zutenei, eta era berean, kultura horretako elementu desberdinak eta gaur egungo koreografia-hizkuntza bat erabiliz hori berrasmatu eta islatu nahi zutenei.

Halaber, sorkuntza-prozesua publiko desberdinekin partekatzeko modu berriak sustatzearren artistak darabilen ikuspegia balioetsi zen, bai publiko kolektibo bereziekin (dibertsitate funtzionala duten pertsonekin, haurrekin, hirugarren adinekoekin…) eta bai publiko orokorrarekin ere.

> SORKUNTZA-LAN BERRIAK:LAUESKU ETA 36,5º

Gero eta ezagunagoa egiten ari den LASALA konpainia gipuzkoarreko Judith Argomaniz koreografoak “LAUESKU” proposatu du, hiru dantzarirentzat prestatutako euskal pilotari buruzko sorkuntza-lan bat. Pilota-partida baten bitartez, joko-arauak zalantzan jartzen dituzten hainbat egoera aurkezten dira. LAUESKU lanaren interpreteak hauek izango dira; JUDITH ARGOMANIZ, JAIOTZ OSA eta LIONEL AH-SOU (Dantzaz Konpainiatik etorria).

VILASECAren “36,5ºC” lana break dancearen eta gaur egungo dantzaren ezagutzari buruzko gogoeta, elkarrizketa, kritika eta zabalkundea bilatzen duen lan bat da. Sorkuntza-lan honetako partaideak gaur egungo dantzaren heziketa jaso duten breakdanceko dantzari dira: CHEY JURADO, aurten hirugarren aldiz jarraian Red Bull BC One lehiaketa ospetsuaren final nazionala irabazi duena eta azaroaren 30ean Seul hirian (Hego Korea) Espainiaren ordezkari izango dena, LAURA JIMÉNEZ.

Egonaldi horiek hiru asteko iraupena izango dute artista bakoitzarentzat eta CCN Malandain Ballet Biarritzeko Gare de Midi, Dantzagunea (Errenteria), Egiako Kultura Etxea (Donostia) eta Mendi Zolan (Hendaia) egoitzetan egingo dira.

Egonaldiak irauten duen bitartean, konpainiek harreman zuzena edukiko dute Eurohiriaren lurraldeko biztanleekin, hainbat jarduera eginez (tailerrak, topaketak…), bere esperientziak ikusleekin trukatzeko eta dantza-obra baten sormen-prozesua ezagutzera emateko asmoz. Sorkuntza-lan berriak Dantza Hirian jaialdiaren hurrengo edizioan estreinatuko dira, irailean.

Eusko Jaurlaritzaren, Akitaniako Erregioaren, Donostia 2016 ekimenaren, Gipuzkoako Aldundiaren, Euskal Kultur Erakundearen, Biarritzeko CCN Malandain Balleten eta Hendaiako Udalaren laguntza jasotzen du Aterpean programak.

> Jordi Vilaseca KONPAINIAREN EGONALDIAK

Uztailaren 7tik 13ra Dantzagunean (Errenteria)

Uztailaren 14tik 20ra Mendi Zolan (Hendaia)

Uztailaren 21etik 27ra Egiako Kultura Etxean (Donostia)

> SENTSIBILIZAZIO-EKINTZAK (SORKUNTZA-PROZESURA HURBILTZEA)

Uztailak 11 / Dantzagunea > Entsegu irekia (publiko orokorra)

Uztailak 18 / Mendi Zolan > Topaketa (ezinduak helduak)

Uztailak 24 / Egiako Kultura Etxea > Entsegu irekia (neska-mutilak)

> Judith Argomaniz konpainiaren egonaldiak

Uztailaren 14tik 20ra Egiako Kultura Etxean (Donostia)

Uztailaren 21etik 27ra Biarritzeko CCN Malandain Balleten

Uztailaren 28tik abuztuaren 1era Dantzagunean (Errenteria)

> SENTSIBILIZAZIO-EKINTZAK (SORKUNTZA-PROZESURA HURBILTZEA)

Uztailak 17 / Egiako Kultura Etxea > Topaketa (pilotariak)

Uztailak 25 / Garde de Midi > Entsegu irekia (publiko orokorra)

Uztailak 30 / Dantzagunea > Entsegu irekia (publiko orokorra)

Maiatzean, Dantza Hirian ekimenak ATERPEAN-en 7. edizioren deialdia egin zuen. Gainera, Akitaniako eta Euskadiko Autonomia Erkidegoko artisten proposamenei arreta berezia eskaintzea erabaki zuen zuzendaritza artistikoak. LASALA konpainia (Donostia) eta JORDI VILASECA koreografoa (Bartzelona) hautatu ziren hamabost hautagaien artean.

LASALA konpainiako Judith Argomaniz koreografoak “LAUESKU” proposamena egin du, hiru dantzarirentzako euskal pilotari buruzko sorkuntza. VILASECAren “36,5 ºC” proiektuan, aldiz, break dance eta hip-hop hiri-hizkuntzak nahasten dira gaur egungo dantzarekin.

Egonaldiak mugaren bi aldeetan garatuko dira: Biarritzeko Malandain koreografia-zentroko Gare de Midi aretoan, Dantzagunean (Errenteria) eta Mendizolan (Hendaia). Denbora-tarte horretan zehar, konpainiek harreman zuzena izango dute Eurohiriko herritarrekin, bere esperientziak publikoarekin partekatu eta horiei dantzaldien sorkuntza-prozesua ezagutarazteko helburuarekin, zenbait jarduera antolatuz (lantegiak, topaketak…). Irailean, “Lauesku” eta “36,5 °C” aurkeztuko dira, hurrengo Dantza Hirian jaialdian.

Helburua sormen-prozesu batean parte-hartzea da (Uztailean 3 aste Errenterian, Donostian eta Hendaian) konpainiarekin batera (dantzariak: Chey Jurado eta Laura Jímenez), Dantza Hirian 2014 Jaialdiaren barruan izango den azken erakustaldirako (iraila).

Sortzeko gaitasuna, musikaltasuna, esperientzia profesionala eta gaur egungoetarako moldaerraztasuna izango duten 2 dantzari (mutilak edo neskak) aukeratuko dira.

Interesatuek eman izena eta bidali CV eta argazkia info@dantzahirian.com helbidera. Izena emateko epea uztailaren 7a, ASTELEHENA.

Baiona-Donostia Eurohirian egiten den Dantza Hirian mugaz haraindiko hiri-paisaietako Dantza Jaialdiaren luzapen bat da NEXOS. Programa honen asmo nagusia, hain zuzen ere, gaur egungo dantza mugaz haraindiko eremuetara eramatea da gizarte-kohesiorako baliabide gisa. Lehen edizio honetan BARBATE izango du topaleku, Europaren hegoaldeko muga. Bi itsasori eta bi kontinenteri irekia.

Dantza Hirian Jaialdiak 7. Aterpean programaren deialdia egin du, Donostia 2016, Euskal Kultur Erakundea eta Biarrizko CCN Malandain Ballet Taldearekin batera. Gaur egungo dantza-ikuskizunen sormena, ikerketa eta zabalkundea sustatzeko helburuz, eta publiko desberdinak sorkuntza-prozesura hurbiltzeko xedez, dantzaren eremuan lan egiten duten artistei zuzendua dago programa hau, baita beste arte-diziplina batzuetatik dantza erreferentzia gisa darabiltenei ere, betiere beren lanak hiri-espazioetako sorkuntzara bideratuak badaude.

Proiektuen aukeraketan arreta berezia eskainiko zaie Akitaniatik eta Euskaditik datozen proposamenei eta euskal kulturarekin, bertako historiarekin eta hizkuntzarekin… elkarrizketa koreografiko bat finkatzen dutenei, eta era berean, kultura horretako elementu desberdinak eta gaur egungo koreografia-hizkuntza bat erabiliz hori berrasmatu eta islatu nahi dutenei.

Sorkuntza-prozesua publiko desberdinekin partekatzeko modu berriak sustatzearren artistak darabilen ikuspegia balioetsiko da, bai publiko kolektibo bereziekin (dibertsitate funtzionala duten pertsonekin, haurrekin, nagusiekin…) eta baita publiko orokorrarekin ere.

Bi proiektu aukeratuko dira eta egoitza-lekuak, berriz, Malandain Ballet Biarritz Koreografia Zentro Nazionala, Dantzagunea (egoitza berria zabaldu du Errenterian) eta Hendaiako Mendi Zolan Kultura Espazioa izango dira. Baina, halaber, Eurohiriko beste espazio batzuk barneratzeko aukera ere izango da. Programaren iraupena hiru astekoa izango da artista bakoitzarentzat eta sorkuntza-lan berriak Dantza Hirian jaialdiaren aurtengo edizioan estreinatuko dira.

Donostia 2016 Europako Kultur Hiriburuak ATERPEAN proiektuarekin bat egin du aurten. Sorkuntza moduen berrikuntzarako egiten ari den eginahalean, egonaldi artistikoak sustatu eta hauen baitako sorkuntza prozesuak hiritarrekin partekatzeko mediazio jarduerak proposatuko dituen lan ildo sendoa du. Testuinguru honetan, Donostia 2016-ek sorkuntzak hartuko dituzten espazioak identifikatzen lagundu eta mediazio jardueren kudeaketaz arduratuko da.