Dantza HirianDantza Hirian - » Dantza Hirian

16. EDIZIOA DH 2021

Dantza Hirian — Thu, 02 Sep 2021 08:37:53 +0000

2021eko irailaren 10etik 26ra ospatuko den 16. edizioan, proposamenek 6 udalerri hauek zeharkatuko dituzte: Irun, Hendaia, Biarritz, Errenteria, Donostia eta Hondarribia. Proposamenak mota guztietako pertsonentzat daude pentsatuta, eta dantza garaikidean gora egiten ari diren artista gazteen azken joeren aldeko apustua egiten du.

14 konpainia, horietatik 7 euskaldunak, baina baita Madril, Katalunia, Nafarroa eta Gaztela eta Leongo erkidegoetakoak ere. Eta konpainia frantses bat.

Acieloabierto Ezohiko Espazioetako Jaialdien Sarearekin elkarlanak eta sinergiek aurrera jarraitzen dute, eta zirkuitu horren bitartez, 6 konpainia hauek aurkeztuko dizkigu:

Marcat Dance (Andaluzia)
Esa Gente (Gaztela eta Leon)
La Intrusa (Katalunia)
Sharon Fridman (Madril)
Adrián Manzano eta Diana Wondy (Madril)
No Bautizados (Madril)

Aterpean programaren esparruan, eta uztailean eta abuztuan egindako egoitzaren ondoren, obra hau estreinatuko da: “TRÁNSITO”, Node konpainiarena.

Aterpean programak, ezohiko lekuetan sormen-lanak egiten eta dantza ezagutarazten laguntzen duen programak, 24 sorkuntza berriren aldeko apustua egin du hasieratik, eta honako hauek dira bere laguntzaile nagusiak: Euskal Kultur Erakundea, Biarritzeko CCN Malandain Ballet, Hendaiako Udalaren Mendi Zolan eta Errenteriako Dantzagunea, Gipuzkoako Foru Aldundiarena. 2020an Lesakako Udalari eman genion ongietorria, Harriondoa Kultur Etxearen bidez bat egin baitzuen Aterpean programarekin, Dantza Hirianen lurraldea Nafarroara hedatuz. Edizio honetan, Lekuona Fabrika (Errenteria) zentro kultural ireki berriak, Le Temps d´aimer la danse Jaialdiak (Biarritz) eta Labo Uda – Tabakalera / Kutxa Kultur egoitza kulturalak egin dute bat proiektuarekin.

IBILI programaren baitan artikulatzen diren gure lurraldeko konpainiak babesten eta ikusgai egiten jarraitzen dugu. Bertan izango dira: Node, Led Silhouette, Xian Martinez, Anakrusa, Lasala, Organik eta Ertza – Asier Zabaleta.

Ertzaren “Otempodiz” (el tiempo dice) nabarmendu behar da, bi noranzkoko hartu-eman eta sorkuntza artistikoko proiektu baten emaitza. Mozambikeren eta Euskadiren artean egituratzen da, AECID agentziaren, Sortutakoak egoitza artistikoaren (Gipuzkoako Dantzagunea) eta Errenteriako Atlantikaldia jaialdiaren laguntzari esker. Proiektuaren bidez, lan-aukera bat eta oinarrizko tresnak eskaini nahi zaizkie Maputoko bi dantzariri, nazioarteko dantza-zirkuituetan beren kabuz moldatu ahal izan daitezen.

Europako kultura-panoraman entzute handikoa izateaz gain, dantza-jaialdi bat baino gehiago da Dantza Hirian. Gaur Egungo Dantzarentzako plataforma bat da Baiona-Donostia Eurohiriaren testuinguruan.

Oharra: COVID-19aren eraginez, aurten ez dira antolatuko ikastetxeetarako saioak, marrazketa-tailerra eta master class eskolak.

SARRERAK Donostia

Dantza Hirian — Wed, 16 Sep 2020 12:26:48 +0000

Gogoratu, segurtasun-neurriak direla-eta, ikuskizun guztiak leku berean programatuta daudela: Trinitate Plazan. Leku kopurua mugatua izango da eta sarrerak doan jaso ahal izango dituzu 18:00etatik aurrera (plazan bertan). Publikoa 18:30ean hasiko da bere lekuetan jartzen eta programazioa 19:00etan hasiko da.

Ez ahaztu zure maskara

12. EDIZIOA DANTZA HIRIAN

Dantza Hirian — Wed, 26 Jul 2017 15:42:56 +0000

Dantza Hirian jaialdiak bere abenturarekin jarraitzen du Baiona-Donostia Euskal Eurohirian barrena, bertako plaza eta kaleak gaur egungo dantzaren agertoki bilakatuz. Jaialdi ibiltari honek arte mota hau ikertu eta gizarte-kohesiorako tresna gisa herritarrengana hurbiltzen du, mugak gainditzen dituen topagune eta eremu partekatu bat sortuz.

Irailaren 22tik 30era bitartean, 12. edizio honetan, Dantza Hirian jaialdia 8 herritan barrena ibiliko da. Programazioa era guztietako ikusleentzat pentsatua dago, eta gaur egungo dantzan gorantz datozen artista gazteen nahiz entzute handiko artisten azken joeren aldeko apustua egiten jarraitzen du. 13 konpainiek (horietatik 8 euskal koreografoenak dira) 18 eremu publiko beteko dituzte.

“Acieloabierto” Ezohiko Espazioetako Jaialdien Sarearekin elkarlanak eta sinergiek aurrera jarraitzen dute, eta zirkuitu horren bitartez aurtengo edizio honetan konpainia hauek aurkeztuko dizkigu: Elías Aguirre (Madril), Montón de Paja y Trigo (Bartzelona), Jaiotz Osa (Donostia), Proyecto Larrua (Gasteiz), Iker Karrera (Hondarribia / Madril) eta Lucia Marote (Madril).

Jaialdiak artista egoiliarrentzat sortu duen eta hiri-espazioetan sorkuntza-lanak egiten laguntzen duen Aterpean programaren barruan, ondorengo lanak estreinatuko dira: Jesús Rubioren “Danzas del Sur de Europa” (Madril) eta Kanpai / Natalia de Miguel eta Jorge Jaureguiren “One Way Ticket” (Bilbo).

Gainera, Dantza Hirian jaialdiak Akitaniako nahiz Euskadiko konpainiak ezagutzera ematen laguntzen du IBILI programaren bitartez. Bertan ondoko parte-hartzaileak izango ditugu: Dantzaz (Errenteria), Eva Guerrero (Vitoria-Gasteiz), Jaoitz Osa (Donostia), Proyecto Larrua (Vitoria-Gasteiz), Iker Karrera (Hondarribia/Madrid), Kanpai (Bilbao), Amaia Elizaran (Donostia) eta Ertza (Donostia).

Azpimarratzekoa da ATALAK 2.0rekin eratutako lankidetza berria; Dantzaz barruko ekimen hau Donostia Kulturak sustatu zuen 2013. urtean, eta 12 dantzari biltzen dituen ikerketarako gune bat eskaintzen die Euskadiko koreografoei zenbait egonaldiren bidez. Horrez gain, Donostia Kulturak, Tabakalerak, Dantzaguneak, CCN Malandain-Biarritz konpainiak, Azkuna Zentroak (Bilbo) eta Regards Croisés jaialdiak osatutako sare batean ezagutaraziko dira sortzen diren proiektuak. Dantza Hirian jaialdiak lehenengo aldiz bat egingo du aurtengo edizioan, eta lan hauek aurkeztuko ditu: Marta Coronadoren “Acorde bajo continuo” eta Vicky P. Mirandaren “El último aliento”. Ekimen horren bidez, egoitza Errenterian duen Dantzaz konpainiak Sorkuntza Koreografikorako Zentro baten aldeko apustua finkatu eta indartu egiten du.

Programazioa jarduera paraleloen bidez osatuko da: ikastetxeei zuzendutako programa, master classak eta tailerrak.

Europako kultura-panoraman entzute handikoa izateaz gain, dantza-jaialdi bat baino gehiago da Dantza Hirian. Gaur Egungo Dantzarentzako plataforma bat da Baiona-Donostia Eurohiriaren testuinguruan.

Aterpean 2013. Projektu aukeratuak

Dantza Hirian — Fri, 21 Jun 2013 08:03:46 +0000

“Aterpean” 2013 artista egoiliar programarako aurkeztu diren 10 nazioarteko proiektuetatik, Dantza Hirieneko zuzendari artistikoak Kukai konpainiaren (Errenteria) “Gelajauziak” eta Ai Do Project / Iker Arrue kontainiaren (Donostia) “Retratos de la Belle Epoque II” proiektuak aukeratu ditu.

Aterpean programak maiatzean zabalduko du deialdia

Dantza Hirian — Fri, 03 May 2013 07:29:46 +0000

Aterpean artista egoiliarren programa bat da, eta dantza hiri-paisaietan sortzen eta hedatzen laguntzea da haren helburua. Artistei zuzkidura ekonomiko bat eta beren proposamenak sortu eta aurkezteko eremu bat eskaintzen die.

Sortzeko lekuak: Dantzagunea (Donostia), CCN Malandain Ballet Biarritz eta Mendi Zolan Kultura Gunea (Hendaia).

Sormen berrien aurkezpena: Dantza Hirian jaialdia (estreinaldia) eta Le Temps d’aimer la danse (Biarritz).

CQD urteroko aldizkariaren Mex in dance edizio berezia

Dantza Hirian — Fri, 03 May 2013 07:28:46 +0000

CQD —Dantzatzen duten Hiriak— aldizkariaren (hiri-paisaietako dantza-jaialdien nazioarteko sarea) 6. zenbakia argitaratu berri da. Ale hori Mex In Dance proiektura xedaturik dago hein handi batean, hau da, Europako 4 jaialdiren eta Mexikoko jaialdi baten arteko lankidetza-proiektura (bertan parte hartu du, halaber, Dantza Hirian programak).

Kulturen arteko trukea eta Mexikoren eta Europar Batasuneko herrialde desberdinen arteko lankidetza sustatzea izan da Mex In Dance proiektuaren helburu nagusia.

Aldizkarian, truke horretan parte hartu duten Europako eta Mexikoko konpainien elkarrizketak eta Mexiko hirian antolatutako kongresuko txostenen laburpena aurkitu ahal izango dituzu.

IREKI proiektua, Dantza Hirian jaialdiarentzako bultzada berri bat

Dantza Hirian — Fri, 03 May 2013 07:28:11 +0000

IREKI garapen-estrategia bat da eta bere helburua, DANTZA HIRIAN denboran zabaltzea, hobetzea, garatzea eta sustatzea da Gaur Egungo Dantza sortzen eta zabaltzen laguntzeko sentsibilizazio-plataforma gisa, betiere Baiona-Donostia Euskal Eurohiriaren eremuan (50 km – 600.000 biztanle), artearen bidez eta hiri eta gizarte arloko gaien bitartez jende mota guztiei zabalik dagoen topaketa-eremu bat sortuz.

Estrategia horren bitartez, 2012. urtetik hona abian jarri diren jardueren helburua, hain zuzen ere, lan-egitura sendo bat sortzea, beren programazioa urte osora zabaltzea eta egun egiten diren jarduerak sendotzea izan da: konpainien programazioa, egoitzak, eskola-saioak, tailerrak, masterclassak, sentsibilizazio-ekintzak, erakusketak, topaketak artistekin, aldizkariak. Baita jarduera berri batzuk sortzea ere.

IREKI proiektua Europako FEDER fondoek finantzatua dago %65ean POCTEFA 2007-2013ren bitartez (Espainia-Frantzia-Andorra Lurralde Lankidetzarako Programa). POCTEFAren helburua Espainia – Frantzia – Andorra mugaldearen integrazio ekonomikoa eta soziala indartzea da. Ekonomiaren, gizartearen eta ingurumenaren esparruko mugaz gaindiko jarduerak garatzea da laguntza honen xedea, lurralde-garapen iraunkorraren aldeko estrategia komunen bitartez.

Eskerrak eman nahi dizkiegu erakunde publiko nahiz pribatu guztiei, artistei, konpainiei, laguntzaileei eta boluntarioei, gure proiektuan jarritako konfiantzagatik eta emandako laguntzagatik. Izan ere, horien laguntzari eta partaidetzari esker bultzada berri bat eman ahal izan diogu DANTZA HIRIAN proiektuari.

Eskerrak eman nahi dizkiegu erakunde publiko nahiz pribatu guztiei, artistei, konpainiei, kolaboratzaileei eta boluntarioei, egin ditugun 8 urte hauetan zehar gure proiektuan jarritako konfiantza eta laguntzagatik. Izan ere, horien laguntza eta partaidetzari esker bultzada berri bat eman ahal izan diogu DANTZA HIRIAN proiektuari.