Hamalau konpainietatik 7 euskaldunak dira, baina bertan dira Madrilgo, Valentziako, Kataluniako, Kanarietako, Galiziako, Nafarroako eta Andaluziakoak ere. Baita Italiako konpainia bat ere.

Dantza Hirian jaialdiak lankidetzan eta sinergian jarraitzen du ACIELOABIERTO Sarearekin, leku ez konbentzionaletarako dantza garaikideko jaialdien sarearekin. Hark 6 konpainia aurkeztu ditu bere zirkuituaren bidez:

Angel Durán (Katalunia)

Qabalum (Nafarroa)

Danza Móbile (Andaluzia)

Eyas Dance Project (Valentzia)

Juan Carlos Avecilla (Madril)

Daniel Abreu (Kanariak), Dantza Sari Nazionala eta 3 Max sariren irabazlea

Jaialdiak sortutako Aterpean programaren esparruan, eta uztailean Dantzagunean (Errenteria) egindako egoitzen ondoren, honako obra hau estreinatuko da: “BUELTAXKA”, Osa + Mujika konpainiarena.

Aterpean programak, dantza leku ez konbentzionaletan sortzen eta zabaltzen laguntzeko programak, 25 sorkuntza berriren aldeko apustua egin du hasieratik. Horretarako, Euskal Kultur Erakundearen, Biarritzeko CCN Malandain Ballet konpainiaren, Hendaiako Udalaren Mendi Zolan kulturgunearen eta Gipuzkoako Foru Aldundiaren Dantzagunearen laguntza jasotzen ditu. 2020an Lesakako Udalari eman genion ongietorria, hark Aterpean programarekin bat egin baitzuen Harriondoa Kultur Etxearen bidez. Horrela, Dantza Hirianen lurraldea Nafarroara zabaldu da, eta 2021ean honako hauek atxiki ziren proiektura: Lekuona Fabrika (Errenteria), Le Temps d´aimer la danse Jaialdia (Biarritz) eta Labo Uda – Tabakalera / Kutxa Kultur (Donostia).

IBILI programaren inguruan artikulatzen diren gure lurraldeko konpainiei laguntzen eta horiek ikusgai egiten jarraituko dugu, eta bertan izango dira: Larrua Proiektua, Osa + Mujika, Amaia Dorronsoro eta Mikel Aristegui, Aukeran, Paula Parra, Daniel Hernández eta Organik.

Dantza Hirian ezaguna da Europako kultura-panoraman; dantza-jaialdi bat baino gehiago da. Dantza Garaikiderako plataforma bat da, Baiona-Donostia Eurohiriaren esparruan.

14 konpainia, horietatik 7 euskaldunak, baina baita Madril, Katalunia, Nafarroa eta Gaztela eta Leongo erkidegoetakoak ere. Eta konpainia frantses bat.

Acieloabierto Ezohiko Espazioetako Jaialdien Sarearekin elkarlanak eta sinergiek aurrera jarraitzen dute, eta zirkuitu horren bitartez, 6 konpainia hauek aurkeztuko dizkigu:

• Marcat Dance (Andaluzia)
• Esa Gente (Gaztela eta Leon)
• La Intrusa (Katalunia)
• Sharon Fridman (Madril)
• Adrián Manzano eta Diana Wondy (Madril)
• No Bautizados (Madril)

Aterpean programaren esparruan, eta uztailean eta abuztuan egindako egoitzaren ondoren, obra hau estreinatuko da: “TRÁNSITO”, Node konpainiarena.

Aterpean programak, ezohiko lekuetan sormen-lanak egiten eta dantza ezagutarazten laguntzen duen programak, 24 sorkuntza berriren aldeko apustua egin du hasieratik, eta honako hauek dira bere laguntzaile nagusiak: Euskal Kultur Erakundea, Biarritzeko CCN Malandain Ballet, Hendaiako Udalaren Mendi Zolan eta Errenteriako Dantzagunea, Gipuzkoako Foru Aldundiarena. 2020an Lesakako Udalari eman genion ongietorria, Harriondoa Kultur Etxearen bidez bat egin baitzuen Aterpean programarekin, Dantza Hirianen lurraldea Nafarroara hedatuz. Edizio honetan, Lekuona Fabrika (Errenteria) zentro kultural ireki berriak, Le Temps d´aimer la danse Jaialdiak (Biarritz) eta Labo Uda – Tabakalera / Kutxa Kultur egoitza kulturalak egin dute bat proiektuarekin.

IBILI programaren baitan artikulatzen diren gure lurraldeko konpainiak babesten eta ikusgai egiten jarraitzen dugu. Bertan izango dira: Node, Led Silhouette, Xian Martinez, Anakrusa, Lasala, Organik eta Ertza – Asier Zabaleta.

Ertzaren “Otempodiz” (el tiempo dice) nabarmendu behar da, bi noranzkoko hartu-eman eta sorkuntza artistikoko proiektu baten emaitza. Mozambikeren eta Euskadiren artean egituratzen da, AECID agentziaren, Sortutakoak egoitza artistikoaren (Gipuzkoako Dantzagunea) eta Errenteriako Atlantikaldia jaialdiaren laguntzari esker. Proiektuaren bidez, lan-aukera bat eta oinarrizko tresnak eskaini nahi zaizkie Maputoko bi dantzariri, nazioarteko dantza-zirkuituetan beren kabuz moldatu ahal izan daitezen.

Europako kultura-panoraman entzute handikoa izateaz gain, dantza-jaialdi bat baino gehiago da Dantza Hirian. Gaur Egungo Dantzarentzako plataforma bat da Baiona-Donostia Eurohiriaren testuinguruan.

Oharra: COVID-19aren eraginez, aurten ez dira antolatuko ikastetxeetarako saioak, marrazketa-tailerra eta master class eskolak.

Dantza Hirian jaialdiak hirugarren urtez jarraian bat egin du Europako Lankidetzaren Eguneko ospakizunekin eta Donostia 2016 Kulturaren Europako Hiriburua ere proiektu horri batu zaio. Ongi-etorria eman nahi diegu Hondarribia eta Bidarti, dantzarako bi paisaia berriei.

Beste alde batetik, aurten, Dantza Hirian jaialdiak, Espainiako estatuko beste hamar jaialdirekin batera, Acieloabierto Sarea bultzatu du (Ez-ohiko eremuetan egiten diren Gaur Egungo Dantza Jaialdien Sarea); sare horrek lankidetza, mugikortasun eta truke arloko proiektuak sustatzen ditu. Sarean egindako lan horren lehen ekintza Acieloabierto Zirkuitua sortzea izan da, eta horrela, aurkeztu diren berrehun proposamenen artetik, bost proposamen hautatu dira Sarearen hamar jaialdietan barrena ibiltzeko.

Halaber, NEXOS izeneko jaialdiaren luzapen bat ere abian jarri dugu. Proiektu honen ideia nagusia, hain zuzen ere, eremu publikoetan egindako dantzaren bitartez beste hiri / muga-inguruko espazio batzuekin elkarlanean aritzeko loturak sortzea da, gizarte-kohesiorako tresna gisa. Ekainean egindako lehen edizio honetan Barbate (Cadiz) izan da topalekua, Europaren hegoaldeko muga. Bi itsasori eta bi kontinenteri irekia: Europa eta Afrika

Europako kultura-panoraman entzute handikoa izateaz gain, dantza-jaialdi huts bat baino gehiago da Dantza Hirian. Gaur Egungo Dantzarentzako plataforma bat da, IREKI izeneko plan estrategiko baten bitartez sendotzen ari dena. Plan horrek Europaren laguntza jaso du POCTEFAren bitartez; mugaz gaindiko lurraldearen zerbitzura dagoen eta Pirinioetako Lan Komunitateak kudeatu duen programa bat da.

Sortzeko lekuak: Dantzagunea (Donostia), CCN Malandain Ballet Biarritz eta Mendi Zolan Kultura Gunea (Hendaia).

Sormen berrien aurkezpena: Dantza Hirian jaialdia (estreinaldia) eta Le Temps d’aimer la danse (Biarritz).