ERTZA / ASIER ZABALETA (DONOSTIA)
BIHAR JAIO NINTZEN bidean topatzen diren bi begirada dira. Bata lehenalditik gaur egunera begira dago eta bestea aurkako noranzkoan begiratzen ari da. “Atzo” eta “bihar” artean zabaltzen den zubia da. Lau dantzarirentzako koreografia-lan bat da, sarritan tradizioa ezkutatzen duen hermetismo hori puskatu nahi duena, baita modernotasunak agertu ohi duen esklusibitate-errezel hori ere, elkar ulertzeko noranzko bakarrari helduz.
ZUZENDARIA ETA KOREOGRAFOA: ASIER ZABALETA (Ezkio /Gipuzkoa)
Ertza 2002an sortu zen espazio berri bat sortzeko asmoz, artearen diziplina desberdinek gaur egungo dantzarekin batera toki bat izan dezaten, eta era horretan, taula gaineko lengoaia nabarmenki aberastu dadin elkarrizketaren eta elkarreraginaren bidez.
ERTZAK SORTUTAKO LANEN ARTEAN HAUEK DITUGU: “DANADA” (1.998), “BELAKI EFEKTUA” (1.999), “EGO” (2003) KANARIA HANDIKO “10MASDANZA” JAIALDIKO SOLOEN LEHIAKETAKO LEHEN SARIAREN IRABAZLEA, “EGO-TIK” (2004), “BABIA” (2005), “LOOK”, “PA QUÉ TOCAS” (2006), “ELAGUJERODELAVESTRUZ”, “INTEMPERIE”, “NI CONTIGO, NI SIN TI…” (2007).
Koreografia: Asier Zabaleta
Interpretazioa: Enero Gil, Lorentxa Iturralde, Oihana Maritorena, Maider Oiartzabal
Jatorrizko Musika: Borja Ramos
