MugMus Laborategia  (Donostia)  “Esku Harriak – Oteizaren (h)aria” eta Helena Lizari (Eibar) “Ocho Deportes Vascos” hautatu ziren. Proiektua abiarazi ostean, ATERPEAN programa sendotzen ari da, urtez urte, hiri-eremuetako sorkuntzen plataforma gisa garatzeko helburuarekin. ATERPEAN mugaren bi aldeetako hiri-paisaietako Dantza Hirian dantza-jaialdiak sortutako artista egoiliarren programa bat da. Hark gaur egungo dantza-ikuskizunak sortu, ikertu eta hiri-eremuetan ezagutzera ematea du helburu, baita publikoari sorkuntza-prozesua ezagutaraztea ere.

Egonaldiak mugaren bi aldeetan garatuko dira: Biarritzeko Malandain koreografia-zentroko Gare de Midi aretoan, Dantzagunean (Errenteria), Egia Kultur Etxean (Donostia) eta Mendizolan (Hendaia). Denbora-tarte horretan zehar, konpainiek harreman zuzena izango dute Eurohiriko herritarrekin, bere esperientziak publikoarekin partekatu eta horiei dantzaldien sorkuntza-prozesua ezagutarazteko helburuarekin, zenbait jarduera antolatuz (lantegiak, topaketak…). Irailean,  “Esku Harriak – Oteizaren (h)aria” eta “Ocho Deportes Vascos” aurkeztuko dira, hurrengo Dantza Hirian jaialdian.